ბიზნესი
08/09/2020
რესტორანი "რესპუბლიკას“ ნაწილი, COVID-ის შესაძლო შემთხვევის გამო, დროებით დაიკეტა
კორონავირუსის შესაძლო შემთხვევის გამო, რესტორანი „რესპუბლიკა“ დროებით დაიკეტა, - ინფორმაციას "ინტერპრესნიუსი" ავრცელებს.
საინფორმაციო სააგენტო რესტორნის გენერალურმა მენეჯერზე დაყრდნობით წერს, რომ ერთ-ერთ თანამშრომელს კორონავირუსისთვის დამახასიათებელი სიმპტომები აქვს, რის გამოც მენეჯმენტმა უსაფრთხოებიდან გამომდინარე რესტორნის დაკეტვის გადაწყვეტილება მიიღო.
თაკო კვერნაძე სააგენტოსთან აცხადებს, რომ ადმინისტრაცია ელოდება ტესტების პასუხს.
კვერნაძის თქმით, შესაბამისი რეჟიმი სავარაუდოდ, გაგრძელდება რამდენიმე დღეს.
დაკეტილია რესპუბლიკის მხოლოდ ზედა რესტორანი, ქვედა რესტორანი კი აგრძელებს სტუმრების მიღებას. კვერნაძის განმარტებით, აღნიშნულ ნაწილთან შესაძლო ინფიცირებულს კონტაქტი არ ჰქონია.
