ბიზნესი
05/08/2020
"რე-ფრეშმა" ბაზარზე ორგანული ლიმონათი გამოიტანა
ბაზარზე ახალი ორგანული ლიმონათი გამოჩნდა. „რე-ფრეშმა“ ნატურალური წვენების შემდეგ ახალი პროდუქტი სატესტო რეჟიმში ჩაუშვა.
კომპანია პროდუქციას ამ ეტაპზე პარტნიორ საწარმოში ამზადებს, თუმცა თითქმის დასრულებულია საწარმოო ხაზის პროექტზე მუშაობა. წლის ბოლოსთვის „რე-ფრეში“ ქართული ბაზრის სრულად ათვისებას გეგმავს და აზერბაიჯანსა და სომხეთში საექსპორტოდაც ემზადება.
გარდა ლიმონათისა „რე-ფრეში“ ბაზარზე კომბუჩასა და კრაფტ ლუდის გამოტანასაც გეგმავს. წარმოებისთვის საჭირო ნედლეულს მწარმოებელი ამ ეტაპზე ადგილობრივი ფერმერებისგან იბარებს, თუმცა საკუთარი პლანტაციების გაშენების გეგმაზეც მუშაობს.
