რა იგეგმება სათამაშო ბიზნესის გასაკონტროლებლად
შემოსავლების სამსახური სათამაშო ბიზნესის გასაკონტროლებლად ელექტრონულ სისტემას შექმნის, რისთვისაც უცხოურ კომპანიას დაიქირავებს.
ფინანსთა სამინისტრო მზადაა კანონში ჩაიწეროს, რომ სათამაშო ბიზნესის კონტროლისთვის ელექტრონული სისტემის ოპერირების უფლება შერჩეულ პირს არა 15 წლით, არამედ, არაუმეტეს 15 წლით გადაეცეს. ამ მუხლმა ყველაზე მეტი კითხვა გააჩინა და ფინანსთა მინისტრის მოადგილეს საკომიტეტო მოსმენაზე კიდევ ერთხელ მოუხდა გამარტება, რომ მსგავსი სისტემის შექმნისა და ოპერირების გამოცდილება საქართველოს არ აქვს და ამიტომ აუციელებელია უცხოური კომპანიის დაქირავება.
ამასთან, კანონპროქტის მიხედვით შემოდის ბენეფიციარი მესაკუთრის განმარტებაც, რაც იმას ნიშნავს, რომ ნებართვის გაცემამდე გამოკვლეული იქნება კომპანიის ბენეფიციარი მფლობელები და მათი კაპიტალი.
სიახლეა სათამაშო ბიზნესის დაბეგვრის წესშიც. წამახალისებელი გათამაშების მოწყობის ნებართვის მფლობელები სათამაშო ბიზნესის მოსაკრებელს გათამაშების ეტაპის დაწყებამდე გადაიხდიან, რაც საპრიზო ფონდის 10%-ით განისაზღვრება. სისტემური ელექტრონული ფორმით თამაშების მოწყობის შემთხვევაში, გადასახდელი მხოლოდ საპრიზო ფონდის 10% იქნება.
