ყვითელ დერეფანში ტვირთების რაოდენობა იზრდება

ყვითელ დერეფანში მოხვედრილი ტვირთების რაოდენობა ბოლო ორი წელია ფაქტობრივად გაორმაგებულია.

როგორც შემოსავლების სამსახურის მიერ „ბიზნესპარტნიორისთვის“ მოწოდებული ოფიციალური ინფორმაციით ირკვევა თუ 2018 წელს იმპორტირებული საქონლის მთლიანი მოცულობის 8.6% მოხვდა ყვითელ დერეფანში, 2019-ში ეს მაჩვენებელი 16.9%, 2020 წელს კი 15% იყო.

2018 წელს ჯამში 219 570 დეკლარაცია გაფორმდა. საბაჟოზე ტვირთების 84.8% მწვანე დერეფანში მოხვდა, 1% ლურჯ დერეფანში. 8.6% ყვითელ, ხოლო 5.6% წითელ დერეფანში.

რაც შეეხება 2019 წელს - გაფორმებული დეკლარაციების მოცულობა 228 576-ს შეადგენს. ტვირთების 77.5% მწვანე დერეფანზე მოდის, 0,9% ლურჯზე, 16.9% ყვითელ დერეფანში მოხვდა, 4.7% წითელ დერეფანში.

2020 წელს ჯამში 193 657 დეკლარაცია გაფორმდა. საბაჟოზე ტვირთების 80% მწვანე დერეფანში მოხვდა. 15% ყვითელ დერეფანში, 1% ლურჯ ხოლო 4.2% წითელ დერეფანში გადანაწილდა.

იმპორტირებული საქონლის ყვითელ დერეფანში მოხვედრის შემთხვევაში კომპანიას საბაჟოზე უწევს დღგ-ს გადახდა, მწვანე დერეფანში მოხვედრისას კი მას გამშვები პუნქტის დატოვების უფლება აქვს, დამატებული ღირებულების თანხის გადახდისთვის კი ხუთდთლღიანი ვადა ეძლევათ.