ყველაზე მაღალი მარჟით პროდუქციას "ნიკორა" ყიდის, ყველაზე დაბალით - "ორი ნაბიჯი"
საქსტატის თანახმად, 2022 წელს საცალო ვაჭრობის დონე საქართველოში წინა წელთან შედარებით 4.48 მილიარდი ლარით გაიზარდა და 23.94 მილიარდი ლარი შეადგინა (+23%/y.y).
თიბისი კაპიტალის პროგნოზებით, 2023 წლისთვის ორგანიზებული ბაზრის წილი 25%-ით გაიზრდება, 2023-2025 წლებში 20%-ით ზრდა არის მოსალოდნელი.
FMCG ბაზარი რამდენიმე მსხვილი მოთამაშით არის წარმოდგენილი და გარემო საკმაოდ მაღალი კონკურენციით ხასაითდება. 2022 წელს ბაზარზე ახალი მოთამაშეები გამოჩნდენ, თუმცა ბაზრის განაწილებაში მნიშვნელოვანი ცვლილებები არ განხორციელებულა. თიბისი კაპიტალის მონაცემებით, სს "ნიკორა ტრეიდი" ბოლო სამი წლის განმავლობაში FMCG ბაზარზე გაყიდვების მოცულობით ბაზრის ლიდერის პოზიციას იკავებს.
რაც შეეხება მომგებიანობას, ნიკორა ტრეიდმა 2022 წელს 45.5 მლნ ლარის წმინდა მოგება მიიღო, რაც 2021 წელთან შედარებით, 2.3-ჯერაა გაზრდილი. ამავე პერიოდში, წმინდა მოგების მარჟა კომპანიამ 3.11%-დან 4.96%-მდე გაზარდა.
კომპანიის ROE-მ 2022-ში 68.15% შეადგინა, რაც 2021 წელს 126.7%, ხოლო 2019 და 2020 წლებში კი შესაბამისად, -250.88% და -242.5% იყო. ROA კი 2022-ში წლიურად 4 პროცენტული პუნქტით, 11.61%-მდე გაიუმჯობესა. ამავე პერიოდში კი მოგება "ნიკორას" თითო აქციაზე 4.44 ლარი იყო (2.02 ლარი 2021-ში).
შეგახსენებთ, "ნიკორამ" 2022 წლის დეკემბერში ასევე წარმატებით განათავსა 3 წლიანი 35 მლნ ლარის ბონდები (TIBR3M+3.5%-ად).
|
|
წმინდა მოგება 2021 |
გაყიდვები 2021 |
საერთო მოგების მარჟა 2021 |
|
სს ნიკორა ტრეიდი |
20.2 მლნ ლარი |
650.6 მლნ ლარი |
26.2% |
|
ორი ნაბიჯი |
20.4 მლნ ლარი |
592.7 მლნ ლარი |
18.07% |
|
კარფური |
5.01 მლნ ლარი |
570.3 |
20.62% |
|
SPAR |
13.6 მლნ ლარი |
388.3 |
24.76% |
*2022 წლის მონაცემები ყველა კომპანიას ჯერ გამოქვეყნებული არ აქვს
