ბიზნესი
14/03/2020
პრემიერი სურსათის მაღაზიებს: მოგეხმარებით, ოღონდ დახლზე უნდა იყოს საკმარისი პროდუქტი შესაბამისი ფასით
პრემიერი სურსათის მაღაზიების ხელმძღვანელებს ლოგისტიკური პრობლემების, შემოსავლების სამსახურთან და ქსელებთან ურთიერთობებში დახმარებას პირდება.
გიორგი გახარიამ მათთან შეხვედრაზე განაცხადა, რომ მთავრობა გააკეთებს ყველაფერს რაც მასზეა დამოკიდებული და შეასრულებს მოდერაციის ფუნქციას, სანაცვლოდ კი მათგან დახლზე საკმარის პროდუქტს შესაბამის ფასად მოითხოვს, მით უმეტეს, რომ დეფიციტისა საფუძველი ბაზარზე არ არის.
"ეს აჟიოტაჟური მოთხოვნა მე დღეს შემიძლია დავუკავშირო ორ რამეს: პირველი - შაბათ-კვირაა, და მეორე - არის მოლოდინი საგანგებო მდგომარეობის გამოცხადების, რის საფუძველიც დღეის მდგომარეობით არ გვაქვს. თქვენგან უნდა მივიღო სოციალურ პასუხისმგებლობაზე დაფუძნებული კონკრეტული წინადადებები და დაპირებები“, - განაცხადა გიორგი გახარიამ.
