პაატა ღაძაძე: გამოვძვერით… უნდა გავიხსნათ, თორემ ვერანაირი ანტიკრიზისული უშველის ამხელა დარტყმას
კარგად გამოვძვერით… საკმარისია. ეხლა გავიხსნათ, თორემ ვერანაირი ანტიკრიზისული უშველის ამხელა დარტყმას, – თიბისი დაზღვევის CEO მიმდინარე პროცესებს სოციალურ ქსელში ეხმიანება.
პაატა ღაძაძე წერს, რომ უარყოფითი შედეგები ათასობით ოჯახს უკვე ანადგურებს.
“მშპ – ყოველდღიურად არ იქმნება 100+ მლნ ლარი,
ბიუჯეტი – ყოველდღიურად აკლდება 20+ მლნ ლარი,
უმუშევრობა – ყოველდღიურად იზრდება 1,000+ კაცით…
ამის თანმდევი უარყოფითი შედეგები ათასობით ოჯახს უკვე ანადგურებს, მ.შ. ზრდის სიკვდილიანობას სხვა მიზეზებით, ჯანმრთელებისაც კი! ეს უფრო მეტი იქნება, ვიდრე ნებისმიერი ვირუსის შედეგები (მით უფრო დაღმასვლის ფაზაში).
დიახ, – წესებით, პირბადით, არა-ქელეხებით, დისტანციით, დეზინფექციით, ბლიც-განათლებით, საავადმყოფოების მეტად მომზადებით…. უნდა გავიხსნათ! ხვალიდან!
6 ფაზის ნაცვლად – 3 ფაზაში, რაც შეიძლება მალე გავიხსნათ!
…ნებისმიერ აუდიტორიასთან გავალ დაფასთან და ამის შედეგების ილუსტრაციას გავაკეთებ – “მამაო ჩვენოსავით” ვიცი მე ეს”, – წერს სოციალურ ქსელში პაატა ღაძაძე.
