ბიზნესი
18/07/2020
"ნიკორას“ კონსოლიდირებულმა გაყიდვებმა ₾0.5 მლრდ-ს გადააჭარბა
კომპანია „ნიკორას“ კონსოლიდირებულმა გაყიდვებმა ნახევარ მილიარდს გადააჭარბა.
ჰოლდინგის ცნობით, 2019 წელს რეალიზაციიდან მიღებული შემოსავალი 29.4%-ით გაიზარდა და 540.5 მლნ ლარს მიაღწია.
მკვეთრად არის გაზრდილი კომპანიის აქტივების მოცულობაც, რაც 367.5 მლნ ლარად არის შეფასებული. 2012 წელს თუ შევადარებით აქტივები 5-ჯერ არის გაზრდილი.
ჰოლდინგმა ბიუჯეტში გასულ წელს 50.736 მლნ ლარი შეიტანა, 11.6 მლნ-ით მეტი ვიდრე შარშან.
კომპანია 297 სავაჭრო ობიექტს ფლობს და 6954 ადამიანს ასაქმებს.
