ნათია თურნავა რესტორნების მფლობელებს: ცოტა მოთმინება კიდევ გვმართებს
„რესტორნების მდგომარეობა ნამდვილად მძიმეა“, - ამის შესახებ ეკონომიკის მინისტრმა ნათია თურნავამ განაცხადა.
როგორც მინისტრი ამბობს, რესტორნის მფლობელებთან მჭირდო კომუნიკაციაში არიან და მათი ყველა პრობლემა იციან.
„უნდა დავინახოთ და ვაღიაროთ, რომ როგორც კი, ეპიდვითარება შესაძლებლობას გვაძლევს, ამათუიმ საქმიანობას ვხსნით.
შეუძლებელია 1 დღეში ეპიდემიის წინა ვითარებას დავუბრუნდეთ. აქედან გამომდინარე ეტაპობრიობა უნდა ახასიათებდეს ჩვენს ნაბიჯებს. 1-ელი თებერვლიდან იხსნებიან სავაჭრო ცენტრები, მოლები, მცირე და დიდი მაღაზიები. 15 თებერვლიდან იხსნება დიდი ბაზრობები, ვსაუბრობთ ტრანსპორტზე და სკოლებზე“,- აღნიშნა ეკონომიკის მინისტრმა.
მისი თქმით, ყოველდღირუად ხდება ვირუსის დადებითობის მაჩვენებლის გადახედვა. რესტორნების გახსნა, ეპიდემიოლოგიურ სიტუაციაზეა დამოკიდებული.
„კიდევ ცოტა მოთმინება გვმართებს. როგორც კი, ეპიდემიოლოგიური სიტუაცია მოგვცემ საშუალებას, გავხსნით რესტორნის ღია სივრცეებს, აჭარის მსგავსად სხვა რეგიონებში“, - განაცხადა მინისტრმა.
ნათია თურნავა რესტორნების გახსნის კონკრეტული თარიღის დასახელებისგან თავს იკავებს.
