მზის პანელებმა ელ.ენერგიის ხარჯი ₾5 000-მდე შეგვიმცირა - სავაჭრო ცენტრი "საბა"
2022 წელს სავაჭრო ცენტრი „საბას“ მენეჯმენტმა დაახლოებით $1 მლნ-ის ინვესტირება განახორციელა.
კომპანიის დირექტორი პაატა კაჭარავა „ბიზნესპარტნიორთან“ განმარტავს, რომ უკვე დამონტაჟებულია მზის ენერგიის 1მგვტ-მდე პანელები, რამაც ელექტროენერგიის ხარჯი სეზონზე 80 000 ლარიდან 5 000 ლარამდე შეამცირა.
„ახლა მონტაჟდება 330 კვტ/სთ-ის ენერგიის მზის პანელები, რაც მოგვცემს იმის საშუალებას, რომ ელექტროენერგიის ხარჯი მინიმუმამდე დავიყვანოთ,“-აცხადებს კაჭარავა.
„საბას“ დირექტორი წელსაც აჯამებს და აცხადებს, რომ ამ დროისთვის ტერიტორიის 93% გაქირავებულია. კაჭარავას ინფორმაციით, კომპანიამ შეძლო და იჯარაზე ფასები არ გაზარდა.
სავაჭრო ცენტრი „საბა“ 2005 წლიდან საქმიანობს. კომპანიის ძირითადი მიმართულებაა კომერციული ფართების გაქირავება. „საბას“ საერთო ფართი 55907 კვ.მ-ია, შენობა-ნაგებობა - 49000 კვ.მ-ზეა განთავსებული.
