ბიზნესი
30/07/2020
Myphone-ის 70%-იან წილს ძველი მფლობელები გამოისყიდიან
წილის შეძენიდან 4 თვის თავზე ვლადიმერ ზეინკლიშვილი Myphone-ს ტოვებს.
Myphone-ში მისი კუთვნილი კომპანიის „ვ. კ“ 70%-იან წილს ისევ ძველი მფლობელები გამოისყიდიან. წილის 40%-ს ანზორ ბუბუტეიშვილი და 30%-ის გიორგი დალაქიშვილი. შედეგად, მათ Myphone-ში 50-50% ექნებათ. გარიგებაზე თანხმობა კომუნიკაციების კომისიამ უკვე განაცხადა.
აღსანიშნავია, რომ Myphone-ის 70%-იანი წილის სავარაუდო ფასი 3 მლნ ლარზე მეტია. 6 თვეში კომპანიას 744 ათას ლარზე მეტი შემოსავალი აქვს მიღებული. კომპანია ფიქსირებულ სატელეფონო მომსახურებას ახორციელებს.
