მწარმოებლებს ბატარეებისა და აკუმულატორების ნარჩენების მართვის რეესტრში რეგისტრაცია ევალებათ
მთავრობამ ბატარეებისა და აკუმულატორების ნარჩენების მართვასთან დაკავშირებით მწარმოებლის გაფართოებული ვალდებულების (მგვ) ელექტრონული რეესტრის წარმოების წესი დაამტკიცა.
ყველა მწარმოებელი ვალდებულია, მგვ რეესტრში რეგისტრაცია 2021 წლის 1 ივნისამდე, გაიაროს.
მგვ რეესტრის ადმინისტრირებას ახორციელებს გარემოს დაცვისა და სოფლის მეურნეობის სამინისტროს ნარჩენებისა და ქიმიური ნივთიერებების მართვის დეპარტამენტი. უწყება წარდგენილ ინფორმაციას ამუშავებს და ამზადებს შესაბამის ანგარიშს.
ამავდროულად რეესტრის ტექნიკურ და პროგრამულ გამართულობას უზრუნველყოფს „გარემოსდაცვითი ინფორმაციისა და განათლების ცენტრი“.
ა) ინფორმაცია წლის განმავლობაში ბაზარზე განთავსებული ბატარეებისა და აკუმულატორების ჯამური რაოდენობისა და წონის შესახებ;
ბ) მგვ ორგანიზაციების და მისი წევრების სია.
ინფორმაცია კონკრეტული მწარმოებლის მიერ ბაზარზე განთავსებული ბატარეებისა და აკუმულატორების შესახებ არ არის საჯარო.
მწარმოებლის გაფართოებულ ვალდებულებას დაქვემდებარებული პროდუქტის შესახებ ანგარიშგება ხორციელდება ყოველთვიურად. წინა თვის ინფორმაცია ბაზარზე განთავსებული პროდუქციის შესახებ შეტანილ უნდა იქნას მომდევნო თვის 10 რიცხვამდე.
