მსოფლიოს საუკეთესო ოფისი - კომპანია "მეამას" შენობა Architizer A+Awards-ის 3 ნომინაციის გამარჯვებულია

ყავის კომპანია "მეამა" მსოფლიოს საუკეთესო ოფისად აღიარეს. კომპანიის ცნობით, კომპანიის შენობა 2020 წლის სამი ნომინაციის გამარჯვებულია.

გამარჯვება შენობამ მსოფლიოში არქიტექტურის ყველაზე პრესტიჟულ კონკურსზე Architizer A+Awards მოიპოვა.

გამარჯვებული ნომინაციებია:

1. საუკეთესო დაბალსართულიანი საოფისე სივრცე
2. ოფისის ინტერიერი
3. არქიტექტურა და ბეტონი

აღსანიშნავია, რომ კომპანიის შენობა 2019 წლის სექტემბერში პრესტიჟულ, საერთაშორისო არქიტექტურული კონკურსის ArchDaily & Strelka Award-ის გრან-პრის მფლობელიც გახდა.

ყავის ქარხნის შენობა Unix Development-ის აშენებულია.

ყავის ქარხნის მშენებლობა დაიწყო 2017 წლის მარტში და დასრულდა 2018 წლის სექტემბერში. შენობა გამოირჩევა ურთულესი გეომეტრიული ნაგებობებითა და ბეტონის დაკეცილი კედლებით. გამორჩეულია ე.წ. „მწვანე გადახურვა“ – პირველად საქართველოში შენობის სახურავი მთლიანად დაფარულია ეკოლოგიურად სუფთა და ბუნებრივი მცენარეული საფარით.

შენობის შიგნით განლაგებულ სამ სხვადასხვა ატრიუმში დარგულია განსხვავებული ჯიშის ხეები, რომლებიც, მათი ხილვისას, სრულიად ანეიტრალებენ და აქრობენ ადამიანთა გონებაში არსებულ წარმოდგენებს სტანდარტული ქარხნების შესახებ.

ყავის ქარხნა ეყრდნობა ერთიანად ჩამოსხმულ 10 მეტრიან ბეტონის სვეტებს, მსგავსად კრონოსის სასახლისა.