"მეიჯერელი“ კახეთში ოფისის გახსნას გეგმავს

სააგნეტოს „აწარმოე საქართველოში“ ხელმძღვანელის ინფორმაციით, კომპანია „მეიჯერელი“ კახეთში ოფისის გახსნას გეგმავს.

„მეიჯერელმა ცოტა ხნის წინ ბათუმშიც გახსნა დროებითი ოფისი. კომპანია ყოველწლიურდ იზრდება და საქართველოში მაღალი ანაზღაურებით ასაქმებს ადამიანებს. როდესაც ჩვენ სკაუტებს ვესაუბრებით, რომ ჩვენთან არის მეიჯერელი ეს კარგი სიგნალია სხევისთვისაც,“-განმარტა ხიდურელმა.

„მეიჯერელი“ საერთაშორისო კომპანიაა, რომელიც ბიზნეს პროცესების აუთსორსინგის სფეროში საქმიანობს.

კომპანიის 50 000-ზე მეტი თანამშრომელი 29 ქვეყანაში, 36 ენაზე ემსახურება 500-მდე საერთაშორისო ბრენდის მომხმარებელს. მეიჯერელი საქართველოში 2016 წელს შემოვიდა Arvato Bertelsmann-ის სახელით, 2019 წლის თებერვალში კი, რებრენდინგის შედეგად, წარმოიქმნა სრულიად ახალი ბრენდი Majorel-ი, რომელსაც თბილისის ორ ოფისში და ქუთაისში 1500-მდე თანამშრომელი ჰყავს დასაქმებული. საქართველოში შემოსვლის დღიდან მეიჯერელი სააგენტოს „აწარმოე საქართველოში“ ინვესტიციების დეპარტამენტთან მჭიდროდ თანამშრომლობს და ერთობლივად მრავალი პროექტის განხორციელება გახდა შესაძლებელი.