ბიზნესი
26/01/2021
მაია მახარაშვილი:შემცირდა გეგმიური ამბულატორია, რომელიც კლინიკის ერთ-ერთი შემოსავლის წყაროა
პანდემიის პირობებში, მნიშვნელოვნად შემცირდა გეგმიური ამბულატორიის წილი, რაც კლინიკის ერთ-ერთი შემოსავლის წყაროა,-ამის შესახებ „ბიზნესპარტნიორს“ სიმონ ხეჩინაშვილის სახელობის საუნივერსიტეტო კლინიკის დირექტორმა მაია მახარაშვილმა განუცხადა.
„შემცირებულია ტიპიური გეგმიური ოპერაციები. მაგალითაც, ცხვირის პლასტიკური ოპერაცია, რომელსაც სახელმწიფო ისედაც არ აფინანსებს. ამ ტიპის ოპერაციებზე მოსახლეობა თავს იკავებდა. მაგრამ, დანარჩენი, დიდი ჯგუფის გეგმიური ოპერაციები, რომელიც პირდაპირი გაგებით, გადაუდებელი არ არის, მაგრამ არც მოცდის ხანგრძლივობა შეიძლება გაიზარდოს, ისინი რა თქმა უნდა კეთდებოდა. ყველაზე მეტად შემცირდა ტიპიური გეგმიური ოპერაციები და გეგმიური ამბულატორია.
ეს უკანასკნელი საკმაოდ დიდი პროცენტით შემცირდა, აპრილის პერიოდში დაკეტვის პროცესში 60-80%-ით. ახლა ასეთი დიდი ვარდნა აღარ იყო. გეგმიური ამბულატორია კლინიკის ერთ-ერთი შემოსავლის წყაროა“,- აღნიშნა მაია მახარაშვილმა.
