ლუდი "ნატახტრის" "ვეფხისტყაოსნის" სერიის კიდევ ერთი საერთაშორისო აღიარება

"ნატახტრის" "ვეფხისტყაოსნის" სერიამ საერთაშორისო კონკურსში "მსოფლიოს ინოვაციური სასმელები 2020" გაიმარჯვა.

შეგახსენებთ,  რომ  “წლის საუკეთესო ქილა“ (Cans of The Year Awards) და „მსოფლიოს ინოვაციური სასმელები 2020“ (World Beverage Innovation Awards 2020) ის საერთაშორისო კონკურსებია, რომლებშიც „ნატახტრის“ “ვეფხისტყაოსნის“  სერია  მონაწილეობდა და ბრენდმა ორივე კონკურსში საერთაშორისო აღიარება მოიპოვა. რამდენიმე დღის წინ, კონკურსზე “წლის საუკეთესო ქილა“ (Cans of The Year Awards) კატეგორიაში „სასმელების სერია“ ოქროს ჯილდო დაიმსახურა. სულ ახლახანს კი, ბრენდმა მომხმარებელი მორიგი გამარჯვებით გაახარა.

„პროექტი ბრენდისა და მომხმარებლის ურთიერთობის ახალ ფორმას წარმოადგენს. ამ შემთხვევაში ჩვენ გამოვიყენეთ შეფუთვა, როგორც საინფორმაციო მატარებელი, რათა გავახსენოთ მომხმარებელს ის, რაც მუდმივია.  ძალიან გვეამაყება, რომ  ჩვენმა საყვარელმა პროექტმა, რომელზეც „ეფეს საქართველოს“ გუნდი 2019 წლიდან მუშაობს,  საერთაშორისო კონკურსებზეც მოიპოვა აღიარება და მსოფლიო საზოგადოებამ „ვეფხისტყაოსნის“ თანამედროვე ილუსტრაციებით გაფორმებული  „ნატახტრის“ ქილები  ცნობილი ბრენდების გვერდით იხილა.  ჩვენთვის, როგორც ლუდის ბაზრის ლიდერისთვის, ყოველთვის მნიშვნელოვანია, ჩავდოთ ინვესტიცია ინოვაციაში, მომხმარებლის საჭიროებებსა და, ასევე, ქართულ კულტურაში. ლუდი „ნატახტარი“ შეზღუდული სერიების წარმოებას აგრძელებს და სამომავლოდ, საინტერესო სიახლეებსაც გპირდებათ,  - განაცხადა „ეფეს საქართველოს“ კომერციულმა დირექტორმა ალფან აკპეჩემ. 

ცნობისათვის, „ეფეს საქართველომ“  სექტემბერის ბოლოს, მისი წამყვანი ლუდის ბრენდის „ნატახტრის“ ახალი სერია წარმოადგინა. ახალი სერიის შეფუთვა თანამედროვე ქართველი მხატვრის, დავით მაჭავარიანის, ხელით გაცოცხლებული  „ვეფხისტყაოსნის“ სცენებითაა შემკული. პროექტი  დავით მაჭავარიანთან ერთად დაიწყო. ის 4 წლის განმავლობაში მუშაობდა გრაფიკული რომანი „ვეფხისტყაოსნის“ ილუსტრაციებზე. ამჯერად, ამ ულამაზესი ნამუშევრის 4 მნიშვნელოვანი სცენის ხილვა შესაძლებელია  მაღაზიის თაროებზე „ნატახტრის“ შეფუთვების საშუალებით, შეზღუდული დროით. თანასწორობა, მეგობრობა,  სიყვარული, სიკეთე - ეს ღირებულებები ვიზუალურად და აფორიზმით გადმოცემულია 4 სხვადასხვა შეფუთვაზე, რომელიც უკვე გაყიდვაშია.