"კუზანოვის კლინიკამ" 2019 წელს 0,5 მლნ-მდე მოგება მიიღო

3.68 მლნ ლარის ამონაგები და 445.6 ათასი ლარის მოგება - „კუზანოვის კლინიკამ“ პირველი ფინანსური ანგარიში გაასაჯაროვა.

2019 წელს კლინიკამ 1.656 მლნ ლარის საერთო მოგება მიიღო. პროდუქციის თვითღირებულება 2 მილიონს აღემატებოდა.  ამ ტიპის ხარჯების სტრუქტურაში ყველაზე დიდი წილი 1.8 მლნ ექიმებისა და მედპერსონალის ხელფასებია. მზა ნედლეული და მასალები 184 ათას ლარამდეა. ოპერაციის შემდგომი ხარჯები 29 099 ლარი.

კლინიკის ადმინისტრაციული ხარჯები 821 466 ლარია. რეკლამის ხარჯები კი, 333 791 ლარი.

კლინიკა დასაბამს იღებს 1978 წლიდან, როდესაც ივანე კუზანოვი დაბრუნდა საქართველოში მოსკოვიდან.  90-ანი წლების დასაწყისიდან,  ი. კუზანოვის ხელმძღვანელობით, შეიქმნა საქართველოში ერთ ერთი პირველი კერძო კლინიკა, სადაც ტარდებოდა ესთეტიკური ოპერაციები.