“კოსმო“ ბაზარზე ახალი ბრენდით შედის
პანდემიის მიუხედავად,ხელნაკეთი აქსესუარების ქართული კომპანია „კოსმო“ ბაზარზე ახალი ბრენდით შემოდის.მისი შვილობილი კომპანია ტყავის აქსესუარების წარმოებაზე იქნება ორიენტირებული და ბაზარზე წლის ბოლომდე გამოჩნდება.
კომპანიის დამფუძნებლის,სოფო მუხულიშვილის განმარტებით, პროდუქტების სეგმენტირება მოთხოვნის ზრდამ განაპირობა. მისივე ინფორმაციით, კომპანიამ, 2020 წლის გეგმა სრულად ვერ განახორციელა, თუმცა, გაყიდვების დინამიკური ზრდიდან გამომდინარე, ახალ შესაძლებლობებს ეძებს.
“დიდი მოთოვნის გამო „კოსმო“ ვერ უზრუნველყოფდა ამ ყველაფრის წარმოებას, შესაბამისად, გვაქვს შესაძლებლობა დავამატოდ ახალი ბრენდი, რომელიც იქნება მაღალი ხარისხის ტყავის აქსესუარებით შევსებული, რომელიც მომავალში უცხოურ ბაზარზეც აქტიურად გაიყიდება“
„კოსმო“ ამ ეტაპზე 30 ადამიანს ასაქმებს, შვილობილ საწარმოში კი დამატებით 10 სამუშაო ადგილი შეიქმნება.
