კორტები მერიას აუქციონზე 5,775 მლნ ლარად გამოაქვს

იპოდრომის მიმდებარედ ჩოგბურთის კორტებზე სპორტული კომპლექსი მოეწყობა და ამ მიზნით აუქციონი მალე გამოცხადდება. საწყისი ფასი აუქციონზე 5 775 070 ლარია.

პროექტში ინვესტორმა 2 მლნ ლარი უნდა ჩადოს.

გამარჯვებულმა კომპანიამ 7 174 კვ.მ ფართობზე, ორი წლის ვადაში, უნდა მოაწყოს ოთხი ღია საჩოგბურთო კორტი, ერთი საცურაო აუზი (ღია ან დახურული) და ერთი სავარჯიშო-სატრენაჟორო დარბაზი.

„იპოდრომის მიმდებარედ კორტების ტერიტორია 2009 წელს გასხვისდა და იქ მშენებლობები უნდა განხორციელებულიყო. მოლაპარაკებების შედეგად ინვესტორთან მოლაპარაკებას მივაღწით და კორტები დაუბრუნდა მუნიციპალიტეტს", - აღნიშნა კახა კალაძემ.

თბილისის მერის თქმით, უახლოეს დღეებში გამოცხადდება აუქციონი, რომლის პირობა აღნიშნულ ტერიტორიაზე არანაკლებ 2 მლნ ლარის ინვესტიციის განხორციელებაა.