ხე-ტყის რეალიზაციით დაკავებულმა მეწარმეებმა მთავრობის კანცელარიასთან აქცია გამართეს
ხე-ტყის რეალიზაციით დაკავებული მეწარმეები მთავრობის კანცელარიასთან აქციას გამართეს. მოთხოვნა იმ პრობლემების მოგვარებაა, რომელიც მეწარმეთა განცხადებით, მრავალი წელია აწუხებთ.
„საქართველოში წლების განმავლობაში ხელისუფლებების ცვლილებებთან ერთად იცვლება ხე-ტყის მოპოვების, გადამუშავების, ტრანსპორტირების და რეალიზაციასთან დაკავშირებული კანონმდებლობა, მაგრამ ვერცერთმა საკანონმდებლო ცვლილებამ ვერ უზრუნველყო სათანადოდ მეწარმეების ინტერესების დაცვა, რისი თვალსაჩინო მაგალითია ქვეყნის მაშტაბით 2018 წლის ივლისში დაწყებული უპრეცედენტო მაშტაბური შემოწმების შედეგები. ამან გამოიწვია კოლოსალური თანხების დარიცხა, რისი ერთ-ერთი მიზეზი გახდა ხე-ტყის სასაქონლო ზედნადებებში შეტანილი მონაცემების გადამოწმების მექანიზმის არ არსებობა. მეორე მიზეზი გახდა შემოსავლების სამსახურში დამკვიდრებული მანკიერი პრაქტიკა, რითაც ხდება ჩათვლილი დღგ-ს გაუქმება იმის მიუხედავად დადგენილია თუ არა უსაქონლო ოპერაცია ან ფიქტიური გარიგება. კანონმდებლობის სპეციფიკიდან გამომდინარე არ არის განსაზღვრული დახერხილ ხის მასალაში ცდომილების დასაშვებობა, რაც კონტროლის განხორციელების დროს ხდება ხშირ შემთხვევაში დაჯარიმების და ტრანსპორტირებული ხის მასალის ჩამორთმევის საფუძველი. მიუხედავად იმისა,რომ კოპანიებს ხის მასალა მოპოვებული აქვთ კანონიერად.
ეს საკითხები წლებია გვაწუხებს ამ სფეროში დასაქმებულ მეწარმე სუბიექტებს. ჩვენი წერილობითი თუ სიტყვიერი მიმართვისა თუ მოთხოვნისა ფინანსთა სამინისტროს მხრიდან დღემდე რაიმე სახის ქმედითი ღონისძიება არ გატარებულა.
ბატონო პრემიერო 2020 წლის 24 აგვისტოს მოგმართეთ წერილობით, რომელიც გადაგზავნილი იქნა ქვემდებარეობით სხვადასხვა უწყებაში, მაგრამ გარდა ბიზნესომბუდსმენის აპარატისა დღემდე არავინ დაინტერესებულა განცხადებაში მოყვანილი პრობლემური საკითხებით.
ჩვენი აქციის თვითმიზანი არ არის ქუჩაში გამოსვლა და აქციებით პრობლემების გადაჭრა, მაგრამ ფინანსთა სამინისტროს სისტემაში თბილ სავარძლებში მოკალათებულმა არაფრის მაქნისი ჩინოვნიკების (ვისაც ეხება) სრულმა იგნორირებამ იძულებული გაგვხადა გამოვსულიყავით დღეს და უშუალოდ პირადად თქვენ მოგაწვდინოთ ჩვენი ხმა.
იმედს გამოვთქვამთ, რომ თქვენი უშუალო მონაწილეობით მოხდება აღნიშნული საკითხების გადაჭრა, რაც საჭიროებს საკანომდებლო ცვლილებებს“,- ნათქვამია განცხადებაში.
