კელდ მოსგაარდ ქრისტენსენი: ვიმედოვნებთ, მალე რუმინეთთან საბორნე მიმოსვლა დაიწყება

„ვცდილობთ შევქმნათ ხარჯთეფექტური დერეფანი, რომელსაც ექნება მაღალტექნოლოგიური აღჭურვილობები და დახვეწილი ლოგისტიკა“, - APM TERMINALS POTI-ს გენერალური დირექტორი კელდ მოსგაარდ ქრისტენსენი იმედოვნებს, რომ უახლოეს პერიოდში რუმინეთთან საბორნე მიმოსვლის დაწყება შესაძლებელი იქნება.

„ამ ეტაპზე ძალიან კარგი კავშირი გვაქვს უკრაინასთან საბორნე გადაზიდვების კუთხით, ასევე გვექნება სხვა ქვეყნებთან. მწამს, კარგ კავშირს დავამყარებთ რუმინეთთანაც. ლოგისტიკური ჯაჭვის წევრები აქტიურად უნდა იყვნენ ჩართულნი, რომ ვუზრუნველყოთ ეფექტიანი დერეფნის შექმნა“, - განაცხადა „ბიზნესპარტნიორთან“ კელდ მოსგაარდ ქრისტენსენმა.

რა ვადაში შეიძლება ახალი საბორნე მიმართულების დანიშვნა, მას არ დაუკონკრეტებია.

დაზუსტებით დროს ვერ გეტყვით, როდესაც ჩვენ ახლა აქ ვსაუბრობთ, ადამიანები აქტიურად მუშაობენ, რომ საბორნე მიმოსვლა გვქონდეს რუმინეთთან“, - აღნიშნა ქრისტენსენმა.