ქართულ პორტებს ტვირთბრუნვა შეუმცირდა

ქართულ პორტებში ტვირთბრუნვის კლებაა. 11 თვის მონაცემებით, საქართველოს ნავსადგურებში 15.5 მლნ ტონა ტვირთი გადამუშავდა, 0.3 მლნ ტონით ნაკლები 2019 წლის 11 თვესთან შედარებით.

ყველაზე დიდი კლება ფოთის პორტშია. საქართველოს უმსხვილეს პორტში ტვირთები 1.1 მლნ ტონით შემცირდა და იანვარ-ნოემბერში 6.8 მლნ ტონა შეადგინა.

ბათუმის პორტში ტვირთბრუნვა 0.2 მილიონი ტონით 3.2 მლნ-მდე გაიზარდა. ზრდაა ყულევისა და სუფსის ტერმინალებშიც. ყულევის ტერმინალში 1.6 მლნ ტონა ტვირთი გადამუშავდა (+0.2 მლნ), ხოლო სუფსის ტერმინალში ტვირთბრუნვის ზრდა 0.3 მლნ-ია, 3.8 მლნ ტონამდე.

2019 წლის რეკორდული ნიშნულის შემდეგ მკვეთრი კლებაა საკონტეინერო გადაზიდვებში. 11 თვეში პორტები 454 034 TEU კონტეინერს მოემსახურნენ. კლება 23%-ია. ფოთის პორტში 359 232 ერთეული კონტეინერი გადაამუშავეს, ხოლო ბათუმში 94 802 TEU.