Hyatt Centric Boulevard Batumi პირველ სტუმარს 2025 წელს მიიღებს

Hyatt-ი საქართველოში სასტუმრო Hyatt Centric Boulevard Batumi-ის მშენებლობას გეგმავს.საერთაშორისო სასტუმრო ბრენდი ინფორმაციით,  უკვე გაფორმდა  შპს „ალიანს სიტისთან“ მართვის ხელშეკრულება გააფორმა. ხელშეკრულება ბათუმში, ზღვის სანაპიროზე , სასტუმრო Hyatt Centric Boulevard Batumi-ის მშენებლობას ითვალისწინებს.

180-ნომრიანი სასტუმრო  2025 წლისთვის უნდა გაიხსნას.

აღსანიშნავია, რომ Hyatt Centric-ის ბრენდი პირველად შემოდის საქართველოში, ევროპის მასშტაბით კი ეს მისი მეცხრე ობიექტი იქნება.

როგორც „ალიანს ჯგუფის“ ბიზნესის განვითარების ხელმძღვანელი თემო ბიწაძე „ბიზნესპარტნიორთან“ რამდენიმე თვის წინ  აცხადებდა, პროექტი უნიკალური რეგიონული ჰაბია, რომელიც ინვესტორებს აძლევს შესაძლებლობას, ფეხი აუწყონ ბიზნესის განვითარების ტემპს და გახდნენ გლობალური პროექტის ნაწილი.

“ალიანს ცენტროპოლისი” აერთიანებს 5*-იანი საერთაშორისო ბრენდის სასტუმროსა და კაზინოს, მასში განთავსდება პირველი WTC საგამოფენო ცენტრი რეგიონში; მოიცავს ასევე საინვესტიციო აპარტამენტებს და A კლასის ბიზნესცენტრს (რომელიც ბათუმში არ არის) და A კლასის სავაჭრო ცენტრს.

პროექტი მოიცავს 10 000 კვ.მ სარეკრეაციო ზონას, 3 დონიან მიწისქვეშა პარკინგს, უმაღლესი კლასის რესტორნებს და ბარებს, გასართობ ცენტრს და კინოთეატრს, სპა და ფიტნეს ცენტრებს, საცურაო აუზებს.

ამ ეტაპზე პროექტის საინვესტიციო ღირებულება 380 მლნ დოლარია, თუმცა მისი საბოლოოლ ჯამური ღირებულება 450-470 მლნ დოლარი იქნება. ბიწაძის განცხადებით, პროექტში საფინანსო პარტნიორი „საქართველოს ბანკია“.