ჰოსპიტალურმა სექტორმა დამატებითი საწოლები გამოყო - ჯეო ჰოსპიტალსი
პრემიერთან ყოველკვირეული შეხვედრა იმართება. ხდება ინფორმაციის გაცვლა, თუ როგორი იყო წინა კვირა, რამდენი საწოლი დავამატეთ და როგორია COVID პაციენტების მართვა, - კლინიკების ქსელ „ჯეო ჰოსპიტალის“ სამეთვალყურეო საბჭოს თავმჯდომარე, ნინა კობახიძე პრემიერისა და კლინიკების ხელმძღვანელების შეხვედრის დეტალებზე საუბრობს.
მისი თქმით, შეხვედრაზე საუბარი შეეხო შეზღუდვების შესაძლო ეფექტს, რომელიც რა თქმა უნდა ჰოსპიტალურ სექტორებზე პირდაპირ აისახება.
„მოხდა დამატებითი საწოლების გამოყოფა სხვადასხვა ჰოსპიტალური ქსელიდან. მაგალითად ჩვენს ქსელში ჭიათურას დავამატეთ, კვირის ბოლოს კი ვანის და ბორჯომის ჰოსპიტალი იქნება დამატებული. ასევე განვიხილეთ შეზღუდვების შესაძლო ეფექტი, რომელიც რა თქმა უნდა ჰოსპიტალურ სექტორზე პირდაპირ აისახება. ვემზადებით ამ პროცესისთვის. თავისთავად სიტუაცია არის რთული, თუმცა მართვადი ამ ეტაპზე. ვისაუბრეთ ონლაინ კლინიკების ეფექტურობაზე, რომელიც საქართველოს ბევრ რეგიონში შესაძლებელია ჩაირთოს და ბინაზე დარჩენილი პაციენტებისთვის, უფრო ეფექტანი გახდეს და უფრო შემსუბუქდეს მათი მდგომარეობა“, - განაცხადა ნინა კობახიძემ.
