HoReCa სექტორში დასაქმებულთა რაოდენობა 35%-ით შემცირდა
სამუშაო ადგილების შემცირება სასტუმრო და კვებით მომსახურების ბიზნესში განსაკუთრებით მაღალია.
2020 წლის მეოთხე კვარტალში ამ სექტორებში დასაქმება წლიურად 35%-ით შემცირდა.
„საქსტატის“ მონაცემებით, 2020 წლის მეოთხე კვარტალში სასტუმროების სექტორში დასაქმებულთა რაოდენობა 39.2%-ით შემცირდა. სულ სექტორში 9 606 კაცი იყო დასაქმებული, მაშინ როდესაც 2019 წლის ამავე პერიოში დასაქებულთა რაოდენობა 15 805-ს შეადგენდა.
32%-ით შემცირდა დასაქმებულთა რაოდენობა საკვებით და სასმელით მომსახურების სექტოში. სულ ამ ბიზნესში მეოთხე კვარტალში 16 816 კაცი იყო დასაქმებული, 2019 წლის მაჩვენებელთან შედარებით 8000 პირით ნაკლები.
ამ ორივე სექტროში ბრუნვა 56%-ით დაეცა და 234.9 მლნ ლარი შეადგინა. სასტუმროების ბრუნვა 53.5 მლნ იყო, კვების ობიექტების 191.4 მლნ, აქ წლიურად კლება 40%-ზე მეტია.
