G&T სილქნეტის შემოსავლების შემცირებას ელის

„გალტ ენდ თაგარტი“ COVID 19-ის პანდემიის გამო, „სილქნეტის“ შემოსავლების შემცირებას ელის.

საინვესტიციო კომპანიის ახალი ანგარიშით, 2020 წელს შემოსავლებში კლება ერთნიშნა მაჩვენებელი იქნება. G&T -ის ექპერტები მიიჩნევენ, რომ პანდემია ზეწოლას ახდენს  კომპანიის საქმიანობის სხვადასხვა მიმართულებებზე, მათ შორის, ელის, რომ სეგმენტი B2B იქნება „დაძაბული“, განსაკუთრებით სასტუმრო, განათლების და ტრანსპორტის სექტორში. ასევე სხვა კორპორატიულ კლიენტებსაც შეიძლება შეექმნათ პრობლემები, ეკონომიკის შემცირების გამო.

„სილქნეტმა“ I კვარტალის ანგარიშიც გამოაქვეყნა. ამონაგები გაიზარდა 6.5%-ით, 95.7 მლნ ლარამდე, რაზეც გავლენა მოახდინა კომერციული შემოსავლების 8.2%-იანმა ზრდამ.

მობილური კავშირიდან შემოსავლები გაიზარდა 27.5%-ით, 15.5 მილიონამდე. ასევე გაიზარდა ფიქსირებული ფართოზოლოვანი კავშირისა და ტელევიზიიდან მიღებული შემოსავლებიც, რამაც შესაბამისად, 25.5 მლნ და 11.4 მლნ შეადგინა.