ღვინის მწარმოებელი კომპანია "გიდა ვაინი" თბილისში ბრენდული მაღაზიის გახსნას გეგმავს
ღვინის მწარმოებელი კომპანია "გიდა ვაინი" მიმდინარე წელს პირველი ბრენდული მაღაზიის გახსნას გეგმავს.
როგორც კომპანიის დამფუძნებელი, გივი ყვარელაშვილი "ბიზნესპარტნიორთან“ აცხადებს,მაღაზია თბილისში, მთაწმინდის რაიონში გაიხსნება. ამ დროისთვის კი კომპანიაში აღნიშნული პროექტისთის მოსამზადებელი სამუშოები მიმდინარეობს.
მისივე ინფორმაციით, "გიდა ვაინის" პროდუქცია ამჟამად ღვინის მაღაზია "8000 მოსავალში" იყიდება, უახლოეს მომავალში კი დაგეგმილია სარეალიზაციო არეალის გაფართოება.
"გვინდა ჩვენი პროდუქციის რესტორნებში შეტანა და ასევე ექსპორტზე გატანაც.ამ ეტაპზე, უკვე რამდენიმე ქვეყანასთან აქტიური მოლაპარაკებების პროცესი მიმდინარეობს. მათ შორის, განიხილება ევროპის ქვეყნები, აშშ და ჩინეთი,"-აცხადებს ყვარელაშვილი.
კომპანიას საკუთარი ვენახები აქვს, რითიც ქვევრის ღვინოს აწარმოებს.
ცნობისთვის, კომპანია "გიდა ვაინი" საგარეჯოში, სოფელ ხაშმში მდებარეობს და 2018 წლიდან ქვევრის ღვინოებს აწარმოებს, როგორიცაა ხაშმი საფერე, რომელიც მიკროზონაშია მოყვანილი, ასევე ხიხვი, რომელმაც WINE EXPO-ს ფარგლებში ოქროს მედალი მოიპოვა, ასევე ცოლიკაური, საფერავი როზე და ქისი.
