GGU ირლანდიის ბირჟაზე $250 მლნ-ის მწვანე ობლიგაციებს განათავსებს

Georgia Global Utilities (GGU) 250 მლნ დოლარის მწვანე ობლიგაციების განთავსებას გეგმავს.

განთავსება სავარაუდოდ 30 ივლისს მოხდება. მოზიდული რესურსით „საქართველოს კაპიტალის“ შვილობილი ყველა არსებული ვალდებულების რეფინანსირებას და ასევე, წყალმომარაგებისა და წყალანარების ქსელის კაპიტალურ ხარჯების დაფინანსებას მოხმარდება.

ობლიგაციების განთავსება იგეგმება ირლანდიის საფონდო ბირჟაზე.

„მოხარული ვარ განვაცხადო, რომ  GGU -მ გამოუშვა საქართველოს ისტორიაში პირველად „მწვანე ბონდები“, რასაც ინვესტორთა მხრიდან ძალიან დიდი დაინტერესება მოჰყვა, რაც  კიდევ ერთხელ აჩვენებს კაპიტალთან წვდომის ჩვენს შესაძლებლობებს, ამ უპრეცენდენტო პერიოდშიც კი. ობლიგაციების გამოშვება მნიშვნელოვნად გააუმჯობესებს Georgia Global Utilities  -ის ფინანსურ მოქნილობას, ლიკვიდობას  და ხელს შეუწყობს ბიზნესის ჯანსაღ ზრდას. მინდა მადლობა გადავუხადო ჩვენს დიდი ხნის პარტნიორებს DEG -ს, FMO-ს  და ADB-ს, როგორც ობლიგაციების წამყვან ინვესტორებს“, - აცხადებს „საქართველოს კაპიტალის“ აღმასრულებელი დირექტორი ირაკლი გილაური.