Gepherrini 2022 წელს 23%-იანი ზრდით ასრულებს
ტყავის აქსესუარების კომპანია Gepherrini 2022 წელს 23%-იანი ზრდით ასრულებს.
როგორც კომპანიის დამფუძნებელი ილია გეფერიძე „ბიზნესპარტნიორთან“ აცხადებს, მიმდინარე წელი რუსეთ-უკრაინის და პანდემიის გამო შედარებით არასტაბილური წელი იყო, რამაც კომპანიას არ მისცა იმის საშუალება დაგეგმილი საინვესტიციო პროექტი სრულად განეხორციელებინა.საუბარია, ქალისა ტანსაცმლის ხაზის ამოქმედებაზე.
მიუხედავად ამისა, Gepherrini 2022 წელს ექსპორტის მიმართულებით საკმაოდ გააქტურდა. მათ შორის, ჩინეთთან გაფორმდა 4 წლიანი ხელშეკრულება, რომელიც ონლაინ პლატფორმა Tmall-ზე გაყიდვებს გულისხმობს.
„გაყიდვები იყო, რაც იმას ნიშნავს, რომ მომხმარებელი მოგვყვება. ეს გრძელვადიანი პროექტია და დრო უნდა. მოკლევადიან პერიოდში დიდ შედეგს არ ველოდებით,“-აცხადებს გეფერიძე.
2014 წელს დაფუძნებული Gepherrini ქალის, მამაკაცისა და ბავშვის ჩანთების გარდა სამაჯურებს, სამგზავრო ჩანთებს, ტყავის ქამრებს და საფულეებს აწარმოებს. კომპანიას ამჟამად წარმოება ნაძალადევის რაიონში, მექანიზაციის ქუჩაზე აქვს.
