გაუქმებული ღონისძიებები და რესტორნები დახურვის საფრთხის წინაშე
სარესტორნო ბიზნესს დაგეგმილი ღონისძიებების აბსოლუტური უმრავლესობა გაუუქმდა. რესტორატორთა ასოციაციის ინფორმაციით, დაწესებული შეზღუდვების შემდეგ, ქვეყნის მასშტაბით კვების ობიექტების 60%-მა ოპერირების გაგრძელება ისედაც ვერ მოახერხა.
ასოციაციაში ელიან, რომ სარიტუალო ღონისძიებების აკრძალვის გამო, კიდევ არაერთი რესტორანი დადგება დახურვის საფრთხის წინაშე.
რესტორატორთა ასოციაციის დამფუძნებელი შოთა ბურჯანაძე "ბიზნესპარტნიორთან" ამბობს, რომ რესტორნების 50-60% ისედაც დაუხურულია, ამ რეალობაში კი პრობლემები არათუ გახუთმაგდება, არამედ გაასმაგდება. "ამ ახალი რეგულაციების გამო რესტორნები დაიკეტება, უბრალოდ ვერ განაგრძობენ ფუნქციონირებას", - აცხადებს ბურჯანაძე.
შეგახსენებთ, რომ ხვალიდან ქორწილები, ქელეხები, იუბილეები და სხვა სარიტუალო ღონისძიებები იკრძალება. გადაწყვეტილება მთავრობამ უწყებათაშორისი საკოორდინაციო საბჭოს სხდომაზე გუშინ მიიღო.
