ბიზნესი
21/09/2021
გალერია თბილისი: გაყიდვების ზრდასთან ერთად, იჯარის სტანდარტულ ტარიფებს ვუბრუნდებით
“ლოქდაუნის შემდეგ, საწყის ეტაპზე იჯარის ტარიფები მნიშვნელოვნად შევუმცირეთ მოიჯარეებს, თუმცა, გაყიდვების ზრდასთან ერთად ნელ-ნელა ვუბრუნდებით სტანდარტულ ტარიფებს“-ამის შესახებ „ბიზნესპარტნიორს“ „გალერია თბილისში“ განუცხადეს.
კომპანიის ინფორმაციით, სავაჭრო ცენტრის გაყიდვები 2019 წლის მაჩვენებელთან შედარებით მცირედით განსხვავდება.
„რაც შეეხება ტრაფიკს, მომხმარებელთა რაოდენობა უფრო მეტად არის შემცირებული, თუმცა ტრაფიკის კლება პირდაპირ პროპორციულად არ აისახება გაყიდვებზე. დატვირთულობის მაჩვენებელი 95%-ია, რაც ფაქტობრივად იგივეა, რაც პანდემიამდე იყო,“ - აცხადებენ „გალერია თბილისში“.
შეგახსენებთ, 2020 წლის ნოემბერში, გართულებული ეპიდემიოლოგიური მდგომარეობის გამო, “გალერია თბილისმა“ მოიჯარეები იჯარის გადასახადისგან გაათავისუფლა.
