Frontera საქართველოში საქმიანობას ჩვეულ რეჟიმში აგრძელებს - ფრონტერა რისორსიზ ჯორჯია

Frontera საქართველოში საქმიანობას ჩვეულ რეჟიმში აგრძელებს, - ამის შესახებ „ბიზნესპარტნიორს“ „ფრონტერა რისორსიზ ჯორჯიას“ დირექტორმა ზაზა მამულაიშვილმა განუცხადა.

მისი განმარტებით, დაწყებულია მშობელ კომპანიაში რეორგანიზაცია, რაც მეწილეებს შორის ცვლილებას უკავშირდება. ამ რეორგანიზაციის შედეგად, „ფრონტერა რისორსიზ ჯორჯია კორპორეიშნის ფილიალი საქართველოშის“ მფლობელი შესაძლოა ისევ Frontera Resources Georgia Corporation-ი იყოს, ან მომავალში რამე შეიცვალოს, თუმცა, როგორც ზაზა მამულაიშვილი ამბობს, ეს ცვლილებები საქართველოში კომპანიის ოპერაციებზე არ აისახება.

რეორგანიზაცია ეხება კაიმანში დარეგისტრირებულ 4 კომპანიას. 30 ოქტომბერს ამ კომპანიებს რეგისტრაცია შეუჩერდებათ. ეს კომპანიებია: FRONTERA INTERNATIONAL CORPORATION;  FRONTERA RESOURCES CORPORATION;  FRONTERA RESOURCES GEORGIA CORPORATION; FRONTERA RESOURCES OVERSEAS CORPORATION –ი.

შეგახსენებთ, Frontera -მ საარბიტრაჟო დავის შემდეგ საქართველოს მთავრობას სალიცენზიო ტერიტორიის ნაწილი  უკან დაუბრუნა.