Carrefour-ი წლის ბოლომდე 10 ფილიალის გახსნას გეგმავს

Carrefour-ი ქსელს აფართოებს და წლის ბოლომდე 10 ფილაილის გახსნას აანონსებს.

კომპანიამ ჰიპერმარკეტი უკვე გახსნა ქუთაისში, მეოთხე ჰიპერმარკეტია თბილისისა და ბათუმის შემდეგ.

ჰიპერმარკეტი ჟიული შარტავას ქუჩაზე, ახალ სავაჭრო ცენტრ „ვესთ ფოინთში“ გაიხსნა, ფართი 5,300 მ²-ია.

სულ Carrefour-ი საქართველოში 50 მაღაზიით არის წარმოდგენილი.

ფილიალების გახსნის ფონზე იზრდება დასაქმებულთა რაოდენობა. ამ დროისთვის როგორც კომპანიაში აცხადებენ, საქართველოში ბრენდი 2500 ადამიანს ასაქმებს და 1200 ადამიანის დასაქმება იგეგმება მომდევნო 2-3 წლის განმავლობაში.

Carrefour-ის პირველი ჰიპერმარკეტი 2012 წელს გაიხსნა „თბილისი მოლში.“ მას კომპანია „მაჯიდ ალ ფუტაიმი“ წარმოადგენს.