Carrefour-ი რეგიონებში ფართოვდება
Carrefour-ი გაფართოებას აგრძელებს. ჰიპერმარკეტების ქსელის ფრენჩაიზის ექსკლუზიური მფლობელი Majid Al Futtaim Retail სავაჭრო ობიექტს ამჯერად ფოთში გახსნის.
კომპანია სუპერმარკეტისთვის საჭირო კადრებს უკვე ეძებს.
Carefour-ის პირველი ჰიპერმარკეტი საქართველოში 2012 წელს გაიხსნა და აქტიურად ფართოვდება ქვეყნის მასშტაბით.
2019 წელს Majid Al Futtaim Retail-მა საქართველოში 473.68 მლნ ლარის შემოსავალი მიიღო, წლიური ზარალი კი, 32.5 მლნ ლარი იყო. 2019 წლის ბოლოსთვის კომპანიის მომხმარებელთა საერთო რაოდენობამ 18 მილიონს გადააჭარბა.
კომპანიამ აქტიურად დაიწყო ელექტრონული მიმართულებით განვითარება. დღეის მდგომარეობით უკვე შექმნილია კარფურის მობილურის აპლიკაცია და ვებ-გვერდი carrefourgeorgia.com. კომპანია ასევე აქტიურად არის წარმოდგენილი გაყიდვების ციფრული არხით „გლოვოსთან“ პარტნიორობით.
