"ბრეტი" ბაზარზე საბავშვო თაფლს გამოიტანს
პირველად ქართულ ბაზარზე საბავშვო თაფლი გამოჩნდება. მას გასაყიდად კომპანია „ბრეტი“ გამოიტანს.
კომპანიაში აცხადებენ, რომ საბავშვო თაფლის წარმოების ტექნოლოგიური პროცესი განსხვავებულია. მწარმოებლის განმარტებით, გარდა უნიკალური გემოვნური თვისებებისა, პროდუქცია გამორჩეული იმითაც არის, რომ მისი შემცველობიდან ამოღებულია ყვავილის მტვერი, რაც თაფლით გამოწვეულ ალერგიულ რისკებს მინიმუმამდე ამცირებს.
კომპანიის დამფუძნებელი გიორგი კეპაშვილი ამბობს, რომ თაფლი არ იქნება ისეთი ძლიერი როგორიც არის ყვავილის, წაბლის და ცაცხვის თაფლი. "ალერგიას იწვევს ყვავილის მტვერი, რადგან ჩვენ ყვავილის მტვერი უნდა გამოვაცალოთ პროდუქტში ნაკლები ალერგანტი ხვდება," - ამბობს კეპაშვილი.
პროდუქტის მიღება 1 წლის ასაკიდანაა შესაძლებელი. საბავშვო თაფლი ადგილობრივ ბაზარზე გაიყიდება, თუმცა კომპანიაში არ გამორიცხავენ, რომ პროდუქცია ექსპორტზეც გაიტანონ.
