ბიზნესი
07/08/2020
ბენზინის 252 სინჯიდან ნორმებს მხოლოდ ერთი ნიმუში ვერ აკმაყოფილებს
251 ავტოგასამართი სადგურიდან რეგულარის მარკის ბენზინის 252 სინჯიდან ნორმებს მხოლოდ ერთი ვერ აკმაყოფილებს.
გარემოსდაცვითი ზედამხედველობის დეპარტამენტის ცნობით, სინჯები 2020 წლის მაისშია აღებული. სინჯები შემდგომი კვლევისათვის ლევან სამხარაულის სახელობის სასამართლო ექსპერტიზის ეროვნულ ბიუროში გაიგზავნა. ლაბორატორიული კვლევით დადგინდა, რომ 252 სინჯიდან, მხოლოდ ერთი ნიმუში ვერ აკმაყოფილებდა საქართველოს მთავრობის დადგენილებით განსაზღვრულ ნორმას. კერძოდ, რეგულარის მარკის ბენზინის ნიმუშში, ოქტანური რიცხვის მნიშვნელობამ შეადგინა 90 (ნორმა: არანაკლებ 91).
გარემოსდაცვითი ზედამხედველობის დეპარტამენტმა, სამართალდარღვევაზე შესაბამისი რეაგირება მოახდინა.
