BEKO: საყოფაცხოვრებო ტექნიკის გაყიდვები პანდემიამდელ ნიშნულს აჭარბებს
პანდემიის გამო დაწესებული შეზღუდვების შემსუბუქების შემდეგ საყოფაცხოვრებო ტექნიკის გაყიდვები გაიზარდა.
„ბეკოს“ გენერალური დირექტორის განმარტებით, გაყიდვები პანდემიამდელ ნიშნულსაც კი აჭარბებს. ზრდა დაახლოებით 7-10%-ის ფარგლებშია.
„გაყიდვების გასულ წელთან შედარებას აზრი არ აქვს. დახურული იყო მაღაზიები, არ ვმუშაობდით პანდემიის გამო დაწესებული შეზღუდვების ფონზე. 2019 წელთან შედარებით კი 2021 წლის მარტში გაყიდვები გაუმჯობესებულია. მგონია, რომ 2021 წლის მეორე კვარტალში გაყიდვების ზრდის კუთხით უკეთესი მაჩვენებლები იქნება. თუ პანდემიის მესამე ტალღა არ დაიწყო , ლარის კურსის სტაბიურობა იქნება და პოლიტიკური კრიზისის ახალი ნიშნები არ გამოჩნდება.“-განაცხადა მეჰმედ მელექმა.
მისივე თქმით, ამ ეტაპზე ონლაინ გაყიდვების წილი მთლიან გაყიდდვებში შემცირებულია.
„რადგან მაღაზიები ღიაა, მომხმარებელს ადგილზე მისვლით ურჩევნიათ კონკრეტული ნივთის შეძენა. 2020-ში ონლაინ გაყიდვები ჩვენი კომპანიის მაგალითზე 169%-ით გაიზარდა. თუმცა გასაგები მიზეზების გამო, ახლა ეს ტემპი მცირდება.“-აღნიშნა მეჰმედ მელექმა.
