Beauty Studio: "მწვანე ბარათების" ამოქმედება სალონებში მომხმარებელთა აქტივობას შეამცირებს
სილამაზის სალონი Beauty Studio-ს დამფუძნებელი ნინო პავლიაშვილი მიიჩნევს, რომ "მწვანე ბარათების" ამოქმედება მნიშვნელოვანია.
როგორც ის "ბიზნესპარტნიორთან" აღნიშნავს, ეს მნიშვნელოვანია კომპანიის უსაფრთხოებისთვისაც.
„კომპანიის თანამშრომლების 90% აცრილია, თუმცა, ინიციატივა კარგი იქნება, რადგან ქვეყანაში პროცესები უკვე უკონტროლოდ ხორციელდება. ამ დროისთვის უცნობია როგორ როგორ მოხდება აღსრულება ან რა ხარჯებთან იქნება დაკავშირებული, თუმცა, ფაქტია, რომ ასე გაგრძელება აღარ შეიძლება,“ - აცხადებს პავლიაშვილი.
მისივე განცხადებით, "მწვანე ბარათების“ ამოქმედებამ შესაძლოა სალონებში მომხმარებელთა აქტივობა საწყის ეტაპზე შეამაციროს, თუმცა, ეს გრძელვადიან პერსპექტივაში დადებითი ეფექტის მომტანი იქნება.
შეგახსენებთ, ბოლო დღეებია ქვეყანაში ეპიდემიოლოგიური მდგომარეობა უარესდება.
"მწვანე ბარათებზე" მუშაობა ჯერ კიდევ მიმდინარეობს. მისი ამოქმედება იგეგმება, თუმცა კონკრეტული თარიღი უცნობია. ჯანდაცვის მინისტრის მოადგილის თამარ გაბუნიას განცხადებით, კონცეფცია უკვე შემუშავებულია.
