ბაზარზე სპორტული ტანსაცმლის ახალი ბრენდი Stainlesss გამოჩნდა
ბაზარზე სპორტული ტანსაცმლის ახალი მწარმოებელი გამოჩნდა. ქართული ბრენდი Stainlesss მუშაობის დაწყებიდან 2 კვირის შემდეგ წარმადობის გაზრდაზე მუშაობს.
დამფუძნებლების განმარტებით, დაწესებული რეგულაციების გამო სპორტული სტილის ტანსაცმელზე მოთხოვნა მზარდია და ონლაინ გაყიდვების სწორი მენეჯმენტის პირობებში გაყიდვები არათუ მცირდება, არამედ წარმოების გაფართოების შესაძლებლობას იძლევა.
მწარმოებლი პროდუქციას ამ დროისთვის ელექტორნული არხებით ყიდის, თუმცა დამფუძნებლებს უკვე მოძიებული აქვთ ინვესტიცია, რომლითაც შეზღუდვების შემსუბუქების შემდეგ საწარმოს მშენებლობას და შოურუმების გახსნას გეგმავენ.
კომპანიის თანადამფუძნებელი ნინო ლომიძე ამბობს, რომ ბრენდი შეიქმნა პანდემიის პერიოდში, როდესაც ადამიანები სახლიდან მუშაობაზე გადავიდნენ, იდეაც ზუსტად მაშინ გაჩნდა.
"ვგეგმავთ საიტის გაკეთებასაც, რომ ჩვენი პროდუქტი ხელმისაწვდომი იყოს საერთაშორისო ბაზრებზე", - განმარტავს ნინო ლომიძე.
