ბათუმის პორტში 2020 წელს 103 302 TEU ერთეული კონტეინერი გადამუშავდა
ბათუმის პორტმა 2020 წლის ძირითადი მაჩვენებლები გაასაჯაროვა, - პორტში გასულ წელს 589 გემი შევიდა.
2020 წელს ნავსადგურში 913 ათასი ტონა მშრალი ტვირთი გადამუშავდა, გადამუშავებული ნავთობის და ნავთობპროდუქტების მოცულობამ კი 1.2 მლნ ტონა შეადგინა. 665 ტონა მოდიოდა ბორნით გადაზიდულ ტვირთებზე.
2020 წელს, ბათუმის პორტში სულ 103 302 TEU ერთეული კონტეინერი გადამუშავდა.
აღსანიშნავია, რომ წლის ბათუმის საზღვაო ნავსადგურის ტერიტორიაზე იგეგმება საერთაშორისო კომპანიის Wondernet Express-ის ახალი მულტიმოდალური ტერმინალის ექსპლუატაციაში შეყვანა, რამაც ტვირთბრუნვის მაჩვენებელი უნდა გაზარდოს.
თანამედროვე ტერმინალი სპეციალიზირებული იქნება ცენტრალური აზიის ქვეყნებიდან, კერძოდ კი უზბეკეთიდან და თურქმენეთიდან წამოსული პროდუქციის ტრანზიტზე, გადამუშავებაზე და შენახვაზე მსოფლიო ბაზრებზე მათი შემდგომი გადაზიდვის მიზნით.
