ბიზნესი
11/12/2020
ავტონაწილებზე მოთხოვნა მნიშვნელოვნად შემცირდა - ავტოიმპორტიორები
საქართველოდან ავტომობილების რეექსპორტის კლების პარალელურად, ქვეყანაში ავტონაწილებზე მოთხოვნა მნიშვნელოვნად შემცირდა. შედეგად, მცირე ზომის კომპანიების ნაწილი დაიხურა, სექტორის შედარებით მსხვილი მოთამაშეები კი ოპერირებას დაბალი მოგების მარჟითა და მცირე ბრუნვით განბაგრძობენ.
ავტონაწილების იმპორტიორების განცხადებით, პროდუქტის ფასები დაახლოებით 15%-ით გაძვირდა. ფასების მატების მიზეზად კი ეროვნული ვალუტის გაუფასურება და ლოგისტიკური ხარჯების ზრდა სახელდება.
