ავტოდილერებს შემოსავლები გაუნახევრდათ
საავტომობილო ბაზარზე აქტივობა განახევრდა. იანვარში ავტომობილების ექსპორტ-იმპორტში მკვეთრი ვარდნა იყო.
„საქსტატის“ მონაცემებით, 2021 წლის დასაწყისში ავტოდილერებმა ქვეყანაში 32.88 მლნ დოლარის მსუბუქი ავტომობილი შემოიყვანეს, კლება 56.5%-ია.
საექსპორტო ბაზრებზე კი, 24.88 მლნ დოლარის ავტომობილი გავიდა. ვარდნა 54%-ს აღემატება. მათ შორის, 14.17 მლნ დოლარი ავტომობილები აზერბაიჯანის ბაზარზე გავიდა.
სომხეთის ბაზარზე ექსპორტის გართულების და პამდემიის ფონზე ავტომობილების ბაზარზე კრიზისია.
დილერები მთავრობას დახმარებას, განბაჟების პროდეცურების დარღვევის გამო ჯარიმების ჩამოწერას და 2020 წლის მაისამდე შემოყვანილ ავტომობილებზე განბაჟების ვადის 2021 წლის ბოლომდე გახანგრძლივებას ითხოვენ.
შეგახსენებთ, რამდენიმე ეტაპად გადავადების შემდეგ, ამ ავტომობილების განბაჟება 2021 წლის 1 მარტამდე უნდა მოხდეს.
