Ashley Home Store-ი ახალი მაღაზიის გახსნას გეგმავს
Ashley Home Store ოქტომბერში მეორე სავაჭრო ობიექტის გახსნას გეგმავს.
კომპანიამ ახალი ფილიალი თბილისში, აღმაშენებლის ხეივანზე ცოტა ხნის წინ უკვე აამოქმედა, უახლოეს დღეებში ფილიალს აჭარაში გახსნის და ბათუმელი მომხმარელები Ashley Home Store-ის ბრენდის ავეჯისა და სახლის დეკორის შეძენას ადგილზე შეძლებენ.
წარმოების უწყვეტობამ, ეფექტურმა ონლაინ კომუნიკაციამ, მოქნილმა გადახდების სისტემამ და გარკვეულმა ფასდაკლებება მაღაზიას პანდემიის კრიტიკული პერიოდები შედარებით, უმტკივნეულოდ გადაატანინა.
„როცა ყველაფერი გაჩერდა, დავიწყეთ ფიქრი და მუშაობა, რომ საუკეთესოდ გაგვერთმია თავი გამოწვევებისთვის. ამერიკელი მწარმოებლებისგან მხარდაჭერა და რეკომენდაციები მუდმივ რეჟიმში გვქონდა, ადგილობრივად კი რეკლამა და ონლაინ გაყიდვები გავააქტიურეთ, მაქსიმალურად მოვერგეთ მომხმარებელთა მოთხოვნებს, ვაძლევდით დარეზერვების საშუალებას და ამ მიდგომამ 90%-ით გაამართლა,“ - აცხადებს კომპანიის გენერალური მენეჯერი, გიორგი დაბრუნდაშვილი.
1945 წელს შექმნილი ავეჯის მწარმოებელი ამერიკული ბრენდი თბილისში გასულ წელს შემოვიდა. რიგით მესამე მაღაზიის გახსნა მიმდინარე კვირაში ანონსდება.
