APM Terminals-ი ფოთის პორტის გაფართოების სამუშაოების დაწყებას 2021 წლის აგვისტოში გეგმავს
ვიმედოვნებთ, რომ ფოთის პორტის გაფართოების სამუშაოებს მომავალი წლის აგვისტოში დავიწყებთ, - ამის შესახებ „ბიზნესპარტნიორს“ APM Tetrminal Poti-ს გენერალურმა დირექტორმა კელდ მოსგაარდ ქრისტენსენმა განუცხადა.
პორტის მშენებლობის 3 საფეხურიანი ნებართვის ფარგლებში პირველი ნებართვა ფოთის პორტის მფლობელმა 2020 წლის მარტში მოიპოვა, მიმდინარე ეტაპი გარემოზე ზემოქმედების გავლენის შეფასება მიმდინარეობს, რასაც ასევე მოჰყვება მიწისქვეშა კვლევებიც. ბოლო ეტაპი კი, მთავრობასთან მოლაპარაკებები იქნება.
APM Tetrminal Poti გაფართოების 250 მილიონიანი პროექტის განსახორციელებლად კონტრაქტორ კომპანიას წლის ბოლოსთვის შეარჩევს. ნავსადგურის გაფართოება კი, დაწყებიდან 3 წლის ვადაში უნდა დასრულდეს.
„ჩვენ ახლა გვაქვს შესაძლებლობა შევქმნათ გლობალური დერეფანი ფოთის პორტის მეშვეობით, რომელიც გაივლის საქართველოს, აზერბაიჯანს და ცენტრალური აზიის ქვეყნებს. ეს იქნება პირველი მნიშვნელოვანი ნაბიჯი ამ მიმართულებით და ამის შემდგომ დავიწყებთ ფიქრს, როგორ უნდა მოხდეს ტვირთის გადინება საქართველოდან ჩინეთის მიმართულებით და პირიქით“, - აღნიშნა კელდ მოსგაარდ ქრისტენსენმა.
