აღმაშენებლის გამზირზე მრავალფუნქციური კომპლექსის აშენების პირობით უძრავი ქონება იყიდება

თბილისში მრავალფუნქციური კომპლექსის აშენების პირობით უძრავი ქონება იყიდება.

ქონების ეროვნულმა სააგენტო თბილისში, აღმაშენებლის გამზირზე 60ა-სა და 60 ნომერში მდებარე მიწის ნაკვეთებს და შენობებს ყიდის.

უძრავი ქონების საწყისი ფასი 39.8 მლნ ლარია, „ბიჯი“ 50 000 ლარს შეადგენს.

ინვესტორმა საპრივატიზებო თანხა აუქციონის დასრულებიდან 2 თვის ვადაში უნდა დაფაროს. ამასთან, 48 თვეში საპრივატიზებო უძრავ ქონებაზე ან მის ნაწილზე კომპლექსი უნდა ააშენოს.

კომპლექსის ნაწილში შესაძლოა განთავსდეს სასტუმრო, კომერციული და საოფისე ფართები.

კომლექსის მშენებლობაში არანაკლებ 40 მლნ ლარის ინვესტიცია უნდა ჩაიდოს.

აღსანიშნავია, რომ საპრივატიზებო მიწის ნაკვეთები მდებარეობს დედაქალაქის კულტურული მემკვიდრეობის დამცავ ზონაში, შესაბამისად ტერიტორიის განვითარების კონცეფციის ესკიზი და პროექტი უნდა შეთანხმდეს თბილისის მერიისა და საქართველოს კულტურისა და სპორტის სამინისტროს წარმომადგენელთაგან ქ. თბილისის მერიაში შექმნილი კულტურული მემკვიდრეობის დაცვის საბჭოსთან.