ბიზნესი
02/04/2021
"აჭარა ჯგუფი" კახეთში კუთვნილი მიწის ნაკვეთების ფართოებებს ზრდის
“აჭარა ჯგუფის“ ჰოლდინგის ერთ-ერთი შვილობილი კომპანია "უდაბნო სოფელი" კახეთში კუთვნილი მიწის ნაკვეთების ფართოებებს ზრდის.კომპანიამ 1 აპრილს, აუქციონზე საგარეჯოს მუნიციპალიტეტში დამატებით მიწის 4 ნაკვეთი (ჯამში 65 096 კვ.მ ) შეიძინა, რაშიც ჯამურად 234,6 ათას ლარს გადაიხდის.
მანამდე მარტში გამართულ აუქციონებზე საგარეჯოს მუნიციპალიტეტის სოფელ ნინოწმინდასა და სათაფლეთში 16 მიწის ნაკვეთი იყიდა.
ცნობილია, რომ „აჭარა ჯგუფის ჰოლდინგი" კახეთში ინვსტიციებს დებს. კომპანიამ გააშენა კაკლისა და ნუშის მრავალწლიანი ბაღები. ასევე "აჭარა ჯგუფის ჰოლდინგს" დაგეგმილი აქვს სასტუმროს პროექტის განხორციელება,რომელიც საქართველოში მნიშვნელოვნად განავითარებს სოციალურად, ეკონომიკურად და ეკოლოგიურად მდგრად ტურიზმს.
