29.3 მლნ-ის წმინდა მოგება - "ევექსი ჰოსპიტლებმა" წლიური ანგარიში გაასაჯაროვა
"ევექსი ჰოსპიტლები", რომელიც საქართველოში ჰოსპოტალურ ქსელს ფლობს 2019 წელს 288.3 მლნ ლარის შემოსავალზე აცხადებს. კომპანიის წლიური ზრდა 9.7%-ია (25.6 მლნ).
გაზრდილია ჯამური მოგებაც 111.5 მლნ-დან 119.5 მლნ ლარამდე. ფინანსური ანგარიშიდან ირკვევა, რომ წმინდა მოგება 66%-იან ზრდას აჩვენებს. ანუ, საუბარია, 29.3 მილიონ ლარზე.
ანგარიშში ნათქვამია, რომ ხელმძღვანელობა ყურადღებით აკვირდება COVID-19-ით გამოწვეულ ვითარებას საქართველოში და შესაბამისად მართავს თავის მარაგებს, ლიკვიდურობას და სხვა საქმიანობას.
კომპანიამ ორ კრედიტორთან 2020 წლის I-III კვარტლებისთვის წმინდა ნასესხები სახსრების EBITDA-სთან თანაფარდობის კოეფიციენტის გაზრდის პირობის გადახედვას მიაღწია. გარდა ამისა, 2020 წლის 16 მარტს ჯგუფმა მიიღო კიდევ ერთი ოფიციალური თანხმობა, რომ 2020 წლის განმავლობაში შეენარჩუნებინა EBITDA-თან წმინდა ნასესხები სახსრების თანაფარდობის 3.0-იანი კოეფიციენტი, ნაცვლად 2.5-ისა.
„პრევენციული ზომის სახით, ხელმძღვანელობა აგრძელებს მოლაპარაკებას თავის კრედიტორებთან, რომ წმინდა ნასესხები სახსრების EBITDA-სთან თანაფარდობის კოეფიციენტი 3.5-მდე გაზარდოს 2020 წლის აპრილიდან 2020 წლის 31 დეკემბრამდე. 2019 წლის 31 დეკემბრის შემდეგ ჯგუფმა აითვისა თავისი საკრედიტო ხაზები 12 ლარის ჯამური თანხის ოდენობით, სებ-ის რეფინანსირების +3.5%-იანი წლიური განაკვეთით“, - აღნიშნულია ფინანსურ ანგარიშში.
