ბიზნესი
04/01/2023
2023 წლიდან "მანნა" წარმოების გაფართოებას გეგმავს
2023 წელს სოფლის მეურნეობის პროდუქტების გადამამუშავებელი და დამაფასოებელი კომპანია „მანნა“ წარმოების გაფართოებას გეგმავს.
როგორც კომპანიის დირექტორი ირაკლი ღურჭუმელია „ბიზნესპარტნიორთან“ აცხადებს, უკვე შეძენილია დამატებით, ახალი დანადგარი, მისი მონტაჟი კი თებერვლიდან დაიწყება.
წარმოების გაფართოების მიმართულებით მომავალ წელს $80 000 -100 000-ის რეინვესტირებას გეგმავს.
საქართველოში თანამედროვე ტექნოლოგიებით აღჭურვილი სოფლის მეურნეობის პროდუქტების გადამამუშავებელი და დამფასოებელი საწარმო „მანნა“ 2017 წელს გაიხსნა, თუმცა, პროდუქცია სარეალიზაციო ქსელში 2018 წლიდანაა. კომპანიის საკუთრებაშია თანამედროვე ინფრასტრუქტურითა და დანადგარებით აღჭურვილი ქარხანა სოფელ საგურამოში.
ქარხნის წარმადობა თვეში ამ ეტაპზე 10-12 ტონა ჩაის გადამუშავებაა.
