ბიზნესი
13/02/2023
2022 წელს საქართველოში ლუდის აქციზური მარკების რაოდენობა შემცირდა
2022 წელს საქართველოში ადგილობრივი და იმპორტირებული ლუდის აქციზური მარკების ჯამურმა რაოდენობამ 75 280 476 შეადგინა, რაც გასული წლის ანალოგიურ პერიოდთან შედარებით 2,1%-ით ნაკლებია.
შემოსავლების სამსახურის ინფორმაციით, 2022 წლის იანვარ-დეკემბერში ადგილობრივი ლუდის შემთხვევაში გაცემული აქციზური მარკების რაოდენობამ 63,9 მლნ შეადგინა.
რაც შეეხება იმპორტირებულ ლუდს, ამ შემთხვევაში 11,3 მლნ აქციზური მარკა გაიცა.
აღსანიშნავია, რომ აქციზური მარკების რაოდენობა ლუდის ბაზრის მოცულობის შეფასების ინდიკატორად არ გამოდგება. ვინაიდან ერთი ერთეული აქციზი, შეიძლება შეესაბამებოდეს როგორც ერთ ქილას ისე 50 ლიტრს.
სექტორის წარმომადგენლების განმარტებით, გასული წლის 11 თვის მონაცემებით, ლუდის ბაზრის მოცულობამ 125 მლნ ლიტრი შეადგინა, რაც წინა წელთან შედარებით დაახლოებით 5%-იანი ზრდაა.
