TOP 3 ქვეყანა,საიდანაც ყველაზე მეტი ტურისტი შემოვიდა - ლიდერი რუსეთია
საქსტატის ინფორმაციით, 2022 წელს ვიზიტორების ყველაზე დიდი რაოდენობა, 915.1 ათასი, რუსეთის ფედერაციიდან დაფიქსირდა , რაც ვიზიტორების ჯამური რაოდენობის 23.3%-ს შეადგენს.
მეორე ადგილზეა თურქეთი 18.1%-იანი წილით, ხოლო მესამეზე - სომხეთი 13.5%-იანი წილით. შესაბამისად, ვიზიტების ყველაზე დიდი რაოდენობა განხორციელდა რუსეთის ფედერაციის (1.1 მილიონი), თურქეთის (925.6 ათასი) და სომხეთის (742.6 ათასი) მოქალაქეების მიერ.
ვიზიტორების უმრავლესობა, 48.0%, მიეკუთვნებოდა 31-50 წლამდე ასაკობრივ კატეგორიას. ქალების რაოდენობა მთლიანი ვიზიტორების 38.9%-ს შეადგენდა.
„2022 წელს საერთაშორისო ვიზიტორების რაოდენობამ 3.9 მილიონს მიაღწია, რაც 2.8-ჯერ მეტია წინა წლის ანალოგიურ მაჩვენებელზე. საანგარიშო პერიოდში, საერთაშორისო ვიზიტორების მიერ განხორციელდა 3.7 მილიონი ტურისტული ტიპის ვიზიტი, რაც 2.3-ჯერ მეტია წინა წლის ანალოგიურ მაჩვენებელზე.
